बेल्हे, ता. २ : बेल्हे (ता. जुन्नर) येथे समर्थ कॉलेज ऑफ इंजिनिअरिंग अँड मॅनेजमेंट या अभियांत्रिकी महाविद्यालयामध्ये अंतिम वर्षातील विद्यार्थ्यांसाठी आयोजित ऑनलाईन कॅम्पस प्लेसमेंट ड्राइव्हच्या माध्यमातून पाच विद्यार्थ्यांची निवड झाली. पुण्याच्या एरोकोड कंपनीमध्ये ट्रेनी डेव्हलपर पदासाठी त्यांची निवड करण्यात आली.
बेल्हे येथे समर्थ अभियांत्रिकी महाविद्यालयात ट्रेनिंग अँड प्लेसमेंट विभागाअंतर्गत या कॅम्पसचे आयोजन केले होते. या माध्यामातून ५ विद्यार्थ्यांची नोकरीसाठी निवड झाल्याची माहिती प्राचार्य डॉ. नवनाथ नरवडे यांनी दिली. या वेळी एरोकोड कंपनीचे सागर मेहेर, युवराज हांडे व संध्या सिंग गौर, तन्मयी सोमवंशी यांनी ऑनलाईन चाचणी व मुलाखती घेतल्या.
या निवड प्रक्रियेत अनुभव सिंग, साहिल आहेर, अभिषेक कुऱ्हाडे, तन्मय कणसे, निकिता औटी या विद्यार्थ्यांची निवड झाल्याची माहिती ट्रेनिंग अँड प्लेसमेंट अधिकारी प्रा. सचिन पोखरकर यांनी दिली. संस्थेचे अध्यक्ष वसंतराव शेळके, सचिव विवेक शेळके, विश्वस्त वल्लभ शेळके, माजी जिल्हा परिषद सदस्या स्नेहल शेळके यांनी निवड झालेल्या विद्यार्थ्यांचे अभिनंदन केले.