पारगाव, ता. ११ : जारकरवाडी (ता. आंबेगाव) येथील विविध कार्यकारी सेवा सहकारी सोसायटीच्या अध्यक्षपदी खंडू गेणभाऊ भोजने यांची, तर उपाध्यक्षपदी बाळू शंकर लबडे यांची बिनविरोध निवड झाली. निवडणूक निर्णय अधिकारी म्हणून विवेक वाघमारे तसेच सहाय्यक निवडणूक निर्णय अधिकारी म्हणून संस्थेचे सचिव नवनाथ मंचरे यांनी काम पहिले.
संस्थेच्या वतीने नवनिर्वाचित अध्यक्ष व उपाध्यक्ष यांचा सत्कार करण्यात आला. यावेळी अशोक धानापुणे, बाबाजी देवडे, राघू वनवे, शिवाजी भोजने, चिंतामण भोजने, आनंदा भोजने, एकनाथ भोजने, लक्ष्मण भोजने, कांताराम कापडी, मनाजी भांड, जालिंदर भोजने व आजी माजी संचालक उपस्थित होते. गणेश खुडे यांनी आभार मानले.