पारगाव, ता. २३ : पोंदेवाडी (ता. आंबेगाव) येथील सार्वजनिक पाणी पुरवठा योजनेच्या विहिरीवरील मोटार व स्टार्टरची अज्ञात व्यक्तीने चोरी केली आहे. तसेच स्मशानभूमी परिसरातील स्नानगृह, पाइपलाइन, खिडकी, टाइल्स फोडून सार्वजनिक मालमत्तेचे नुकसान करण्यात आले आहे. याबाबत ग्रामपंचायतीच्या वतीने ग्रामसेवक यांनी पारगाव कारखाना पोलिस ठाण्यात तक्रार दिली आहे.
पोलिस उपनिरीक्षक भाऊसाहेब लोकरे यांनी घटनास्थळी जाऊन पाहणी केली आहे. पोलिसांनी या घटनेचा जलद गतीने तपास करून संबंधित व्यक्तीवर कडक कारवाई करावी, अशी मागणी ग्रामपंचायतीने केले आहे.