पारगाव, ता. १६ : आंबेगाव तालुक्याच्या पूर्व भागातील गावात स्वातंत्र्य दिनानिमित्त विविध कार्यक्रमांचे आयोजन करण्यात आले होते. प्रत्येक गावात विद्यार्थ्यांचे संचलन, कवायत, स्पर्धांचे बक्षीस वितरण व सांस्कृतिक कार्यक्रम पार पडले.
तालुक्याच्या पूर्व भागातील अवसरी बुद्रूक, धामणी, पारगाव, जारकरवाडी, खडकवाडी, लोणी, मेंगडेवाडी, लाखणगाव, देवगाव, पोंदेवाडी, वडगावपीर आदी गावात स्वातंत्र्यदिन साजरा करण्यात आला. दत्तात्रेयनगर (पारगाव) येथील भीमाशंकर शिक्षण संस्थेच्या डी. जी. वळसे पाटील इंग्लिश स्कूलच्या प्रांगणात भीमाशंकर कारखान्याचे व शिक्षण संस्थेचे अध्यक्ष बाळासाहेब बेंडे यांच्या हस्ते ध्वजवंदन करण्यात आले.
यावेळी कारखान्याचे संचालक बाळासाहेब घुले, शांताराम हिंगे, आनंदराव शिंदे, मच्छिंद्र गावडे, रामहरी पोंदे, नितीन वाव्हळ, पुष्पलता जाधव, प्रिया बाणखेले, सचिव रामनाथ हिंगे, शिक्षण संस्थेचे ओएसडी बी. डी. चव्हाण, कार्यालयीन सचिव वसंत जाधव, इंग्लिश मीडियमच्या प्राचार्या सोनल कानडे कर्मचारी व विद्यार्थी उपस्थित होते.