पारगाव, ता. ३० : आंबेगाव तालुक्याच्या पूर्वभागातील गावांत यंदा चांगला पाऊस पडला. यामुळे पावसाळी बाजरीचे पीक जोमात आहे. काही
शेतामध्ये कणसे फुलोऱ्यात आहेत. काही ठिकाणच्या कणसामध्ये टपोरे दाणे भरू लागले आहेत.
तालुक्याच्या पूर्वभागात अवसरी बुद्रुक, मेंगडेवाडी, जारकरवाडी, बढेकरमळा, धामणी, पोंदेवाडी, खडकवाडी, लोणी, वडगावपीर, वाळुंजनगर, रामनळा, पारगाव, काठापूर बुद्रुक, देवगाव व लाखणगाव या गावातील शेतकरी खरीप हंगामात विविध प्रकारच्या कडधान्यांबरोबर बाजरीचे पिके मोठ्या प्रमाणावर घेतात या गावात बाजरीची हिरवीगार शेत पाहावयास मिळत आहे. या शेतामध्ये बाजरीच्या कणसांमध्ये टपोरे दाणे पहावयास मिळत आहे. यावर्षी पाऊस चांगला झाल्याने बाजरीची वाढ चांगली झाल्याने पावसाळी बाजरीचे चांगले उत्पादन मिळेल, असे पोंदेवाडी येथील अमोल वाळुंज, काठापूर बुद्रुक येथील लहू करंडे व लोणी येथील माजी सरपंच उद्धवराव लंके यांनी सांगितले.
06010