पारगाव, ता. २९ : पोंदेवाडी (ता. आंबेगाव) येथील पडवळवस्तीवर बिबट्याला जेरबंद करण्यासाठी वनविभागाने पिंजरा बसवला आहे. पडवळ, मखर आणि रोडे वस्तीवर गेल्या काही दिवसांपासून रात्री बिबट्या सतत येत आहे. त्यामुळे रात्रीच्या वेळी शेतात काम करण्यासाठी किंवा साधे घराबाहेर पडण्यासाठी सुद्धा नागरिक धजावत नव्हते. स्थानिक नागरिकांच्या वतीने नीलेश पडवळ यांनी माजी सहकारमंत्री दिलीप वळसे पाटील यांच्याकडे वनविभागाला पिंजरा बसवण्यासाठी सूचना करण्यासाठी पाठपुरावा केला होता. त्यानुसार शनिवारी (ता. २९) मंचरचे वनपरिक्षेत्र अधिकारी विकास भोसले यांनी तातडीने बिबट्याला जेरबंद करण्यासाठी या ठिकाणी पिंजरा लावला आहे.

6387