पारगाव, ता. १४ : रानमळा (ता. आंबेगाव) येथील श्री धर्मनाथ महाराज यात्रेनिमित्त मंगळवारी (ता. २०) बैलगाडा शर्यतीसह विविध धार्मिक कार्यक्रमांचे आयोजन केल्याची माहिती सरपंच राजेंद्र सिनलकर यांनी दिली. मंगळवारी सकाळी ७ ते ८ वाजता देवास हारतुरे, सकाळी ८ ते सायंकाळी ७ वाजेपर्यंत बैलगाडा शर्यत, सायंकाळी ७ ते रात्री ९ वाजेपर्यंत देवास नैवेद्य व दीपोत्सव मिरवणूक, तसेच शोभेचे दारूकाम, रात्री ९ वाजता मंगला बनसोडे सोबत नितीन बनसोडे करवडीकर यांचा लोकनाट्य तमाशाचा कार्यक्रम, रात्री ११ ते पहाटे ५ पर्यंत चक्री भजनाचा कार्यक्रम, बुधवारी (ता. २१) सकाळी ९ वाजता देवास दंडवते व शेरणी वाटप कार्यक्रम होणार आहे. तसेच, बैलगाडा शर्यतीसाठी विजेत्या बैलगाडा मालकांना एकूण एक लाख ७७ हजार ११ रुपये व दोन एलईडी टीव्ही, तीन फवारणी पंप, तीन टेबल पंखा व तीन मोबाईल बक्षीस देण्यात येणार आहे.