पारगाव, ता. २५ : अवसरी बुद्रुक (ता. आंबेगाव) येथील चव्हाण मळ्यातील कमलादेवी मातेच्या मंदिराच्या १५ व्या वर्धापन दिनानिमित्त सोमवारी (ता. २६) विविध धार्मिक कार्यक्रमाचे आयोजन केल्याची माहिती शिवसेना उपजिल्हा प्रमुख अजित चव्हाण यांनी दिली.
सोमवारी सकाळी ८ वाजता होमहवन, हारतुरे, अभिषेक, ९.३० वाजता देवीची तसेच काठीची मिरवणूक, सकाळी ११ ते दुपारी २ वाजेपर्यंत महाप्रसाद, दुपारी २ ते ४ वाजेपर्यंत स्वरसंध्या भजनी मंडळ (अवसरी बुद्रुक) यांच्या भजनाचा कार्यक्रम, त्यानंतर सागर महाराज गोरडे (गोसासी) यांचे हरी कीर्तन होणार आहे. सायंकाळी ७ वाजता महाआरती, त्यानंतर ८ वाजता सर्वांसाठी महाप्रसाद आयोजित केला आहे. तसेच हळदी कुंकू कार्यक्रम होणार आहे. रात्री ९ वाजता होम मिनिस्टर कार्यक्रमाचे आयोजन करण्यात आल्याचे कमलादेवी नवतरुण मित्र मंडळाच्यावतीने सांगण्यात आले.