पारगाव, ता. १९ : धामणी (ता. आंबेगाव) येथील धामणी विविध कार्यकारी सेवा सहकारी सोसायटीच्या अध्यक्षपदी रंगनाथ गजाराम जाधव यांची, तर उपाध्यक्षपदी शांताबाई बोऱ्हाडे यांची बिनविरोध निवड झाली. निवडणूक निर्णय अधिकारी सुमित्रा चौधरी- बेंडे व सहाय्यक निवडणूक निर्णय अधिकारी/ संस्थेचे सचिव सुभाष सोनवणे यांनी संस्थेच्या अध्यक्ष व उपाध्यक्षपदासाठी बोलावलेल्या संचालक मंडळाच्या बैठकीत या निवडी करण्यात आल्या. अध्यक्षपदासाठी जाधव यांचा, तर उपाध्यक्षपदासाठी बोऱ्हाडे यांचा एकमेव अर्ज आल्याने त्यांची बिनविरोध निवड झाली. यावेळी संचालक सतीश जाधव, बाळासाहेब बढेकर, जयदीप चौधरी, बाळासाहेब बोऱ्हाडे, कोंडीभाऊ तांबे, सुधाकर जाधव , दीपक जाधव, रामदास विधाटे, सुमन जाधव, सदाशिव गाढवे उपस्थित होते. नवनिर्वाचित अध्यक्ष जाधव व उपाध्यक्ष बोऱ्हाडे यांचा बाजार समितीचे सभापती नीलेश थोरात यांच्या हस्ते सत्कार करण्यात आला. यावेळी रामदास म्हातारबा जाधव, प्रतीक जाधव, डॉ. नारायण जाधव, गोपाळ रोडे, आनंदा जाधव, बाळासाहेब बढेकर, मनोज तांबे, डॉ. पाटीलबुवा जाधव उपस्थित होते.

06641, 06642