आपटाळे : मढ ते जुन्नर मार्गावर गणेशखिंड येथे वाहनाच्या धडकेत बिबट्याचा मृत्यूमुखी पडल्याची घटना घडली. ही घटना बुधवारी (ता. १) सायंकाळी सातच्या सुमारास घडली. घटनेची माहिती मिळताच वनविभागाचे कर्मचारी घटनास्थळी दाखल झाले.
याबाबत सविस्तर माहिती अशी की, मढ ते जुन्नर मार्गावर गणेशखिंड येथील वळणावर रस्ता ओलांडताना बिबट्याला वाहनाची जोरदार धडक बसली. या धडकेत बिबट्याचा जागीच मृत्यू झाला. हा बिबट्या नर असून अंदाजे एक ते दीड वर्षाचा असून या मृत बिबट्यावर माणिकडोह येथील बिबट निवारा केंद्रात शवविच्छेदन करण्यात येणार असल्याचे जुन्नर चे वनपरिक्षेत्र अधिकारी प्रदीप चव्हाण यांनी सांगितले.