आपटाळे, ता. ९ : जुन्नर कृषी उत्पन्न बाजार समितीच्या आवारात रविवारी (ता. ९) झालेल्या कांदा लिलावामध्ये १५ हजारांहून अधिक कांद्याच्या पिशव्यांची आवक झाली. गोळा कांद्याला प्रतिदहा किलोस १८० ते २०० रुपये बाजारभाव मिळाल्याची माहिती सभापती ॲड. संजय काळे व सचिव रूपेश कवडे यांनी दिली. आळेफाटा येथे रविवारी झालेल्या कांदा लिलावात प्रतवारीनुसार कांद्याला मिळालेला बाजारभाव पुढीलप्रमाणे बाजारभाव प्रति दहा किलोप्रमाणे- गोळा कांदा- १८० ते २०० रुपये, कांदा- ११० ते १६० रुपये, गोलटी कांदा- ४० ते १२० रुपये, बदला कांदा- २० ते ९० रुपये, तर बटाट्याला प्रति दहा किलोस १५० ते २३० रुपये बाजारभाव मिळाला. बटाट्याच्या ७४३ पिशव्यांची आवक झाली असल्याचे व्यापारी विजय कबाडी यांनी दिली. दरम्यान, कांद्याच्या बाजारभावात वाढ व्हावी, अशी अपेक्षा कांदा उत्पादक शेतकरी व्यक्त करत आहेत.