जुन्नर, ता. १० : तांबे (ता. जुन्नर) येथे पंपाची मोटार बसवणे व जमिनीच्या वादावरून मारहाण झाल्याची घटना मंगळवारी (ता. ९) घडली. या प्रकरणी रोहिदास जानकु भांगे (रा. तांबे) यांच्यावर गुन्हा दाखल केला आहे. या घटनेची फिर्याद देवराम लक्ष्मण भांगे यांनी जुन्नर पोलिस ठाण्यात दिली. ते मंगळवारी दुपारी बाराच्या सुमारास गावातील आंबेदरा ओढा येथे गेले असता मोटार बसविण्याच्या व जमिनीच्या कारणावरून रोहिदास याने दांडक्याने त्यांच्या डोक्यात, पाठीवर, हातावर व पायावर मारहाण करत शिवीगाळ व दमदाटी केली. या घटनेचा अधिक तपास पोलिस निरीक्षक किरण अवचर यांच्या मार्गदर्शनाखाली करण्यात येत आहे.