जुन्नर, ता. ११ : सत्यशोधक भाऊ कोंडाजी डुंबरे प्रतिष्ठान व शिवनेरीचे शिलेदार समूह, ओतूर यांच्या वतीने रविवारी (ता. १४) गड-किल्ले व ट्रेकिंगची आवड असणाऱ्या विद्यार्थांसाठी किल्ले शिवनेरी भ्रमण मोहिमेचे आयोजन करण्यात आले आहे. या मोहिमेत विद्यार्थ्यांना तज्ञ मार्गदर्शकांकडून किल्ल्याचा इतिहास जाणून घेण्याची संधी मिळणार आहे .
सकाळी नऊ ते सायंकाळी चार वाजेपर्यंत ही मोहीम आयोजित करण्यात आली असून सहभागी विद्यार्थ्याला प्रमाणपत्र वितरित करण्यात येणार आहे. या मोहिमेत पाचवी ते दहावीपर्यंतच्या विद्यार्थ्यांना सहभागी होता येणार आहे. ज्या विद्यार्थ्यांना या मोहिमेत सहभागी व्हायचे आहे त्यांनी शिरीष भोर ९८२२४९७७११, सुनील ढोबळे ९८६०६०८२१३ व गौतम डावखर ८०८७७५९१०२ यांच्याशी संपर्क साधावा, असे आवाहन करण्यात आले आहे.