जुन्नर, ता. २२ : जुन्नर येथे शनिवारी (ता. १४) राष्ट्रीय विधी सेवा प्राधिकरण व महाराष्ट्र राज्य विधी सेवा प्राधिकरण मुंबई यांच्या निर्देशानुसार जिल्हा न्यायालय व तालुका न्यायालय येथे राष्ट्रीय लोकअदालतीचे आयोजन केले आहे.
तालुक्यातील प्रलंबित प्रकरणांचा जलदगतीने व सामंजस्याने निपटारा करण्यासाठी या राष्ट्रीय लोकअदालतीचे आयोजन केले असून, यामध्ये दाखलपूर्व प्रकरणे, विज व पाणी बिल देयके, बॅंक कर्ज वसुली प्रकरणे, मोटार वाहन अपघात दावे, कौटुंबिक वाद, मालमत्ता विवाद, कर्मचारी नुकसान भरपाई प्रकरणे व इतर दिवाणी व फौजदारी तडजोड योग्य प्रकरणे निकाली काढणार आहेत.
ज्या पक्षकारांना आपली प्रकरणे या लोकअदालतीत ठेवायची आहेत, त्यांनी संबंधित न्यायालयाशी किंवा जुन्नर तालुका विधी सेवा समितीशी संपर्क साधावा, असे आवाहन केले आहे.