जुन्नर, ता. २३ ः काले (ता. जुन्नर) येथील जिल्हा परिषद प्राथमिक शाळेत छत्रपती शिवाजी महाराज यांची जयंती उत्साहात साजरी करण्यात आली. यानिमित्ताने विद्यार्थ्यांची गावातून प्रभात फेरी काढण्यात आली. यावेळी विद्यार्थ्यांनी छत्रपती शिवाजी महाराजांच्या घोषणा देऊन शिवरायांचा जयजयकार केला. कार्यक्रमाच्या सुरुवातीला शिवरायांच्या मूर्तीचे पूजन करून अभिवादन करण्यात आले. विद्यार्थ्यांनी छत्रपती शिवरायांची गारद सादर केली, तर भाषणांमधून शिवरायांचा जीवनपट उलगडला. विद्यार्थ्यांनी बाल शिवाजी व राजमाता जिजाऊ यांचे पोशाख परिधान करून शिवरायांच्या बालपणातील प्रसंगांचे केलेल्या सादरीकरणाने उपस्थितांची मने जिंकली. कार्यक्रमांचे नियोजन मुख्याध्यापक अरुण असवले व शिक्षिका नयना आर्वीकर यांनी केले.