भुकूम : मुळशी तालुक्यात मागील काही दिवसांपासून पावसाची संततधार सुरू आहे. यामुळे नदी व ओढ्यावरील बहुतांश बंधारे भरण्याच्या मार्गावर आहेत. तालुक्यात आठ दिवसांपासून मध्यम स्वरूपाचा पाऊस सुरू आहे.
ओढ्यांना आलेल्या पाण्यामुळे रिहे, पिंपळोली, घोटावडे, लव्हार्डे, वांजळे, आंदगाव येथील बंधारे भरले आहेत. तालुक्यातील टेमघर, मुळशी धरणांच्या पाण्याची पातळीत वाढ झाली आहे. पावसाचा जोर कमी असल्यामुळे बंधारे व धरणे भरण्यास उशीर होत आहे.
त्यामुळे मुठा नदीवरील खडकवासला धरणही अद्याप भरले नाही. तालुक्याच्या पश्चिम भागात मध्यम स्वरूपाचा पाऊस पडत असून पूर्व भागात कमी आहे. पिंपळोली येथील बंधारा भरल्यामुळे खांबोली,
जवळ, सावलेवाडी येथील शेतकऱ्यांच्या शेतीला बारमाही पाण्याचा प्रश्न सुटला आहे, असे येथील शेतकरी नीलेश शिंदे यांनी सांगितले. दरम्यान, तालुक्यात सर्व शिवारास पाण्याची सोय झाल्यामुळे भात लावणीची लगबग सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.