भुकूम, ता. १२ ः राज्य कृषी विभाग व मुळशी तालुका शेतकरी संघाच्या वतीने पौड (ता. मुळशी) येथे पंचायत समितीच्या सभागृहात शेतकरी मेळावा आयोजित करण्यात आला आहे. मंगळवारी (ता. १४) सकाळी अकरा वाजता मेळावा सुरू होईल, अशी माहिती तालुका कृषी अधिकारी हनुमंत खाडे यांनी दिली. यावेळी शेतकरी संघाच्या वतीने बांधण्यात येत असलेल्या शेतकरी भवनाच्या पहिल्या स्लॅपचे भूमिपूजन आमदार शंकर मांडेकर यांच्या हस्ते करण्यात होणार आहे. तसेच मेळाव्यात राज्य शासनाने सुरू केलेल्या नवीन ॲपची माहिती देण्यात येईल. भात काढणी नंतर रब्बी हंगामात घेण्यात येणाऱ्या विविध पिकांची, लागवडीचीही माहिती यावेळी देण्यात येणार आहे. आंब्याचे मोहोर संरक्षण, नवीन लागवड केलेल्या झाडांसाठी छाटणी तंत्रज्ञान, खत, पाणी व्यवस्थापन यांची माहिती कृषी तज्ज्ञ विजयकुमार धुमाळ हे देतील, असे शेतकरी संघाचे उपाध्यक्ष भाऊ केदारी यांनी सांगितले.