भिगवण, ता. ३१ : मदनवाडी (ता. इंदापूर) येथील मोटार रिवायडिंगचे दुकान फोडून सुमारे अडीच लाख रुपयांची मोटार रिवायडिंगची वायर, पितळी बुशिंग व स्क्रॅप चोरट्यांनी चोरून नेले. ही घटना शुक्रवारी (ता. ३०) रात्री घडली.
याबाबत यांनी भिगवण पोलिस ठाण्यात फिर्याद दिली आहे.
याबाबत भिगवण पोलिसांनी माहिती दिली की, तक्रारवाडी येथील महेंद्र मोहन भोंडवे (वय ३१ रा. तक्रारवाडी) यांचे मदनवाडी येथे रोहन ट्रेडर्स नावाचे मोटार रिवायडिंगचे दुकान आहे. शुक्रवारी (ता. ३०) रात्री दुकान बंद असताना सदर दुकानाच्या बंद शटरची कडी तोडून दुकानातील १ लाख ७८ हजार रुपये किमतीची मोटार रिवायडींडिंगची कॉपर वायर, ४५ हजार रुपये किमतीचे पितळी बुशिंग, तसेच १५ हजार रुपये किमतीचे स्क्रॅप अज्ञात चोरट्याने चोरून नेले. या प्रकरणी अज्ञात चोरट्य़ांविरुद्ध गुन्हा दाखल केला आहे. अधिक तपास येथील भिगवण पोलिस ठाण्याचे साहाय्यक पोलिस निरीक्षक विनोद महांगडे यांचे मार्गदर्शनाखाली पोलिस हवालदार उगले करीत आहेत.