भिगवण, ता. १६ ः भिगवण येथील शाळा, महाविदयालये, शासकीय कार्यालये, ग्रामपंचायत कार्यालय तसेच विविध सामाजिक संघटनांच्या वतीने स्वातंत्र्य दिन उत्साहात साजरा करण्यात आला. स्वातंत्र्यदिनानिमित्त ध्वजवंदन, प्रभात फेरी, सांस्कृतिक कार्यक्रमांचे आयोजन करण्यात आले होते. ग्रामपंचायतीच्या वतीने उल्लेखनीय कामगिरी करणाऱ्या व्यक्तींचा सन्मान करण्यात आला. ग्रामपंचायत कार्यालयामध्ये ध्वजवंदन कार्यक्रमाचे आयोजन करण्यात आले होते. यावेळी सरपंच गुराप्पा पवार व उपसरपंच सत्यवान भोसले यांच्या हस्ते ध्वजवंदन करण्यात आले. यावेळी भिगवण पोलिस ठाण्याचे सहाय्यक पोलिस निरीक्षक विनोद महांगडे, माजी सरपंच पराग जाधव, तानाजी वायसे, क्षीरसागर, पंचायत समितीचे माजी उपसभापती संजय देहाडे, अशोक शिंदे, संजय रायसोनी, ग्रामविकास अधिकारी दत्तात्रय परदेशी व ग्रामपंचायत सदस्य उपस्थित होते. कार्यक्रमांमध्ये ग्रामपंचायतीच्या वतीने शासकीय कर्मचारी, पत्रकार व उल्लेखनीय कामगिरी केलेल्या व्यक्तींचा सन्मान करण्यात आला.