भोर, ता. १६ : भोर येथील पंचायत समितीच्या शिक्षण विभागाच्या वतीने तालुक्यातील शिष्यवृत्ती मिळविलेल्या विद्यार्थ्यांचा आणि त्यांना मार्गदर्शक शिक्षकांचा सन्मान करण्यात आला. भोरचे गटविकास अधिकारी किरणकुमार धनवाडे यांच्या मार्गदर्शनाखाली मंगळवारी (ता. १५) सकाळी ११ वाजता पंचायत समितीच्या सभागृहात या कार्यक्रमाचे आयोजन केले होते.
गटशिक्षणाधिकारी राजकुमार बामणे यांच्या हस्ते विद्यार्थी व शिक्षकांना सन्मानित केले. तालुक्यातील पूर्व उच्च प्राथमिक शिष्यवृत्ती परीक्षेत यशस्वी झालेले सात विद्यार्थी, माध्यमिक शिष्यवृत्ती परीक्षेत यशस्वी झालेल्या ८ विद्यार्थ्यांसह धोंडेवाडी (ता. र) शाळेतील जर्मन भाषेमध्ये राज्यस्तरीय परीक्षेमध्ये प्रथम क्रमांक विजेती विद्यार्थिनी देवयानी बढे हिचा सन्मान करण्यात आला. या विद्यार्थ्यांना डिक्शनरी, पॅड, पेन, पेन्सील आणि सन्मानपत्र देवून गौरविले. यावेळी विस्तार अधिकारी सचिन लोखंडे (नसरापूर बीट), हुमेरा शेख (उत्रोली बीट), सुषमा पाटील (अंबवडे बीट), अंजना वाडकर (शिंद बीट), सुनीता गायकवाड (किकवी बीट), गट समन्वयक प्रभावती सुधीर कोठावळे आदी उपस्थित होते.

पाचवीमधील शिष्यवृत्तीधारक विद्यार्थी व कंसात शाळेचे नाव -
अद्वैत दळवी (जि. प. शाळा उत्रोली), यशराज भोसले (कांबरे खेबा), संस्कृती पारठे (आपटी), काव्या शेडगे (उत्रोली), यश सुर्वे (आळंदे), विघ्नेश एडवे (उत्रोली), संजीवनी डिंबळे (शिवरे).

आठवीचे शिष्यवृत्तीधारक विद्यार्थी व कंसात शाळेचे नाव -
अथर्व डोके (विद्या प्रतिष्ठान भोर इंग्लिश मीडियम स्कूल), सिद्धार्थ लेकावळे (जि. प. शाळा देगाव), स्नेहा चव्हाण (न्यू इंग्लिश स्कूल न्हावी), विश्वजीत पिलाणे (माध्यमिक विद्यालय माळेगाव नसरापूर), सोनिया तारू (आर. आर. विद्यालय भोर), सार्थक दूरकर (आर. आर. विद्यालय भोर), शार्दूल दानवले (आर. आर. विद्यालय भोर), रिषभ शेलार (जि. प. प्राथमिक शाळा देगाव).

05473