भोर, ता. १९ : उत्रौली (ता. भोर) येथील जिल्हा परिषदेच्या प्राथमिक शाळेतील तीन विद्यार्थ्यांनी तालुक्यातील पूर्व उच्च प्राथमिक शिष्यवृत्ती परीक्षेत जिल्हा यादीत स्थान मिळवले आहे. यामध्ये अव्दैत दळवी, काव्या शेडगे आणि विघ्नेश येडवे यांचा समावेश आहे. शिष्यवृत्ती परीक्षेस बसलेल्या २८ विद्यार्थ्यांपैकी १९ विद्यार्थी पात्र ठरले असून १२ विद्यार्थ्यांना २०० पेक्षा जास्त गुण मिळाले आहेत. दळवी या विद्यार्थ्यांने तालुक्यात सर्वाधिक २५८ गुण मिळविले आहेत. विद्यार्थ्यांना शिक्षण अमर उभे यांनी मार्गदर्शन केले. विद्यार्थ्यांच्या यशाबद्दल जिल्हा परिषदेचे माजी उपाध्यक्ष रणजित शिवतरे, भोरचे गटशिक्षणाधिकारी राजकुमार बामणे, शिक्षण विस्तार अधिकारी हुमेरा परवीन शेख, अंजना वाडकर आदींनी अभिनंदन केले.