भोर, ता. २१ : अनुगामी लोकराज्य महाभियान (अनुलोम) या संस्थेमार्फत भोर शहरातील ६०० कुटुंबांना दिवाळी फराळ आणि मिठाईचे वाटप करण्यात आले. अनुलोम संस्थेच्या प्रगतशील समाजा संपर्क या उपक्रमाअंतर्गत मंगळवारी (ता. २१) लक्ष्मीपूजनाच्या दिवशी सकाळी हे मिठाईवाटप केले. भाजपचे माजी जिल्हा चिटणीस सचिन मांडके यांच्या हस्ते शहरातील कातकरी वस्ती, वडार वस्ती, बेलदार वस्ती व गोसावी वस्ती आदी प्रमुख वस्तींमध्ये आणि इतर ठिकाणच्या ६०० कुटुंबांना घरोघरी जाऊन दिवाळीसाठी मिठाई आणि फराळाचे वाटप केले. यावेळी अनुलोम संस्थेचे भाग जनसेवक अॅड. मंगेश अंबुले, अॅड. कपिल दुसंगे, माजी उपनगराध्यक्ष गणेश पवार, माजी नगरसेवक सुमंत शेटे, सुरेश कांबळे, विशाल दुसंगे, सचिन तारू, शांताराम पवार, प्रशांत पवार, स्वाती गांधी, रवी बदक आदींसह भाजपचे कार्यकर्ते उपस्थित होते.