रणांगण अवतीभवती
--
वैयक्तिक प्रचारावर
भोसरी परिसरात भर

भोसरी ः प्रत्येक उमेदवार स्वतःच्या प्रचारात मग्न आहे. विरोधी उमेदवारांवर कोणत्याही प्रकारची राळ उठताना भोसरीत पाहायला मिळत नाही. पक्षाच्या वरिष्ठ नेत्यांद्वारेही उमेदवारांवर वैयक्तिक टीका न करता पक्षाच्या धोरणावर टीका करताना पाहायला मिळत आहे. मतदानाला अगदी दहा दिवसच राहिले असताना ही निवडणूक एकमेकांवरील वैयक्तिक आरोपांशिवाय होते का? याची उत्सुकता आहे. ही निवडणूक सहज जिंकता येणार नसल्याचे आणि भाजप-राष्ट्रवादीच्या उमेदवारांमध्ये लढत चुरशीची होणार असल्याचे चित्र आहे. मात्र, ही लढाई होताना विरोधी पक्षाच्या उमेदवारांवर वैयक्तिक टीका होत नसल्याचे चित्र आहे. मतदान काही दिवसांवर आले असूनही बड्या नेत्यांच्या सभांचे नियोजन दिसत नाही. उमेदवारांनी कोपरा सभांवर भर दिला आहे. त्याचप्रमाणे विविध समाज बांधवांचा स्नेहमेळावा घेऊन प्रचार केला जात आहे.