बारामती, ता. १० : ज्येष्ठ नेते शरद पवार यांच्या उपस्थितीत मंगळवारी (ता. ११) दुपारी चार वाजता बारामतीतील ‘श्री महावीर भवन’ येथे व्यापारी मेळाव्याचे आयोजन केले आहे, अशी माहिती माजी नगराध्यक्ष जवाहर वाघोलीकर, स्वाभिमानी व्यापारी महासंघाचे सुनील सस्ते, ॲड. सुधीर पाटसकर यांनी दिली.
या मेळाव्यास माजी राज्यमंत्री मदन बाफना, उद्योगपती विठ्ठल मणियार, पुण्याचे माजी महापौर अंकुश काकडे, पुणे चेंबरचे माजी अध्यक्ष वालचंद संचेती, पोपट ओस्तवाल व राजेंद्र गुगळे, बारामतीचे माजी नगराध्यक्ष सदाशिव सातव व जवाहर वाघोलीकर, सुभाष ढोले, संभाजी किर्वे, सुशील सोमाणी  आदी उपस्थित राहणार आहेत. 
या मेळाव्यामध्ये काही उद्योगपती, प्रतिष्ठीत मान्यवर मार्गदर्शन करणार आहेत. तसेच, व्यापाऱ्यांच्या अडचणींवर चर्चा व विचारविनिमय करून काय केले पाहिजे, याबाबत शरद पवार मार्गदर्शन करणार आहेत.