बारामती, ता. १९ : २०१४ मधील लोकसभा निवडणुकीच्या प्रचारादरम्यान केलेल्या एका वक्तव्याप्रकरणी येथील न्यायालयाने उपमुख्यमंत्री अजित पवार यांना १६ डिसेंबर रोजी आपली बाजू न्यायालयात मांडण्याचे आदेश दिले आहेत.
तत्कालीन लोकसभा निवडणुकीतील उमेदवार निवृत्त पोलिस अधिकारी सुरेश खोपडे यांनी या संदर्भात प्रथम वर्ग न्यायदंडाधिकारी यांच्याकडे खटला दाखल केला होता. त्या संदर्भात प्रथम वर्ग न्यायदंडाधिकारी डी. एम. पुजारी यांनी मंगळवारी (ता. १९) वरील आदेश दिल्याची माहिती सुरेश खोपडे यांनी पत्रकारांशी बोलताना दिली. या संदर्भात त्यांनी न्यायालयाच्या आदेशाची प्रत दिली नसून, संकेतस्थळावर आलेली आदेशाची प्रत सादर केली आहे.