मिलिंद संगई : सकाळ वृत्तसेवा
बारामती, ता. ११ : बारामतीमध्ये बारामती शहर व बारामती तालुका या दोन पोलिस ठाण्यांचा समावेश आहे. उपलब्ध माहितीनुसार या दोन्ही पोलिस ठाण्याच्या हद्दीत गेल्या काही काळात सोनसाखळी चोरीच्या वीस गुन्ह्यांची नोंद झाली आहे. यापैकी उपलब्ध माहितीनुसार नऊ प्रकरणात पोलिसांनी गुन्हा उघडकीस आणला असून, अकरा प्रकरणात गुन्हे उघड झालेले नाहीत.
इराणी टोळीवर संशय
बारामती परिसरात ज्या चोऱ्या झाल्या त्या इराणी टोळीच्या सदस्यांनी केल्याचा पोलिसांचा संशय असला, तरी अद्याप एकाही चोरट्याला पकडण्यात पोलिसांना यश आलेले नाही. अचानक येऊन चोरी करून जाण्याची पद्धत अधिक काळजी करायला लावणारी असल्याचे नागरिकांचे मत आहे.
सीसीटीव्ही प्रकल्प कागदावरच
बारामतीत तीनशेहून अधिक सीसीटीव्ही बसविण्याच्या प्रकल्पाची घोषणा होऊन पाच वर्षांहून अधिकचा काळ उलटून गेला आहे. मात्र, तो प्रकल्प अद्यापही लाल फितीतच अडकलेला आहे. उपमुख्यमंत्र्यांच्या कार्यालयाने पाठपुरावा करूनही सातत्याने तांत्रिक त्रुटींमुळे बारामतीत सीसीटीव्ही कॅमेरे बसत नसल्याने चोरांपर्यंत पोहोचणे पोलिसांनाही अवघड बनलेले आहे.
पोलिस ठाण्याच्या प्रभारी अधिकाऱ्यांना मालमत्ताविषयक गुन्ह्यांच्या तपासाबाबत अधिक प्रभावी तपास कसा होईल, याच्या सूचना दिल्या आहेत. लोकांना चोरीला गेलेला मुद्देमाल परत कसा मिळवून देता येईल, याचाच पोलिसांचा प्रयत्न आहे.
- डॉ. सुदर्शन राठोड, उपविभागीय पोलिस अधिकारी, बारामती
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.