बारामती, ता. २२ : बारामती तालुका सहकारी खरेदी विक्री संघाच्या वतीने उपमुख्यमंत्री अजित पवार यांच्या वाढदिवसानिमित्त येथील बालसुधारगृहामध्ये विद्यार्थ्यांना शालेय साहित्य वाटप करण्यात आले. विद्यार्थ्यांना खाऊ वाटप व संस्थेला भोजन व्यवस्थेसाठी गहू प्रदान केले गेले. अत्यंत साधेपणाने वाढदिवस साजरा करीत विधायक उपक्रम संस्थेने राबविला. खरेदी विक्री संघाचे अध्यक्ष ॲड. रवींद्र माने, उपाध्यक्ष नितीन देवकाते यांच्यासह अनेक मान्यवर याप्रसंगी उपस्थित होते.