बारामती, ता. २७ : शहरातील खंडोबानगर चौकात हायवा ट्रकने दुचाकीला जोरदार धडक दिल्यामुळे अपघातात दुचाकीस्वार वडिलांसह त्यांच्या दोन मुलींचा मृत्यू झाला. ही धक्कादायक घटना रविवारी (ता.२७) दुपारी बारा वाजण्याच्या सुमारास घडली. पोलिसांनी हायवा ट्रक चालकास ताब्यात घेतले आहे.
याप्रकरणी अमोल राजेंद्र आचार्य (रा. बारामती) यांनी बारामती शहर पोलिस ठाण्यात फिर्याद दिली आहे. त्यानुसार पोलिसांनी हायवाचालक दशरथ दत्तात्रेय डोळे (वय ५०, रा. भिलारवाडी, ता. करमाळा, जि. सोलापूर) याच्यावर गुन्हा दाखल केला आहे. पोलिस निरिक्षक विलास नाळे यांनी दिलेल्या माहितीनुसार, ओंकार राजेंद्र आचार्य हे खंडोबानगरच्या चौकात दुचाकीवरून आपल्या दोन मुलींसह निघाले होते. त्यावेळी हायवा ट्रकची त्यांच्या दुचाकीला धडक बसली. यात हायवाच्या मागच्या चाकाखाली आल्याने त्यांचा मृत्यू झाला. तर त्यांची मुलगी सई ओंकार आचार्य (वय १०) आणि मधुरा ओंकार आचार्य (वय ४) यांचा रुग्णालयात नेताना मृत्यू झाला.
शहरातील खंडोबानगर चौकात भरदुपारी हा अपघात झाल्यानंतर तेथे मोठी गर्दी झाली होती. पोलिसांनी तातडीने घटनास्थळी धाव घेत मृतदेह उत्तरीय तपासणीसाठी सिल्व्हर ज्युबिली रुग्णालयात पाठविले. अपघाताच्या ठिकाणचे दृश्य हृदयद्रावक होते. एकाच वेळेस वडील आणि दोन्ही लहान मुलींचा दुर्दैवी मृत्यू अनेकांना चटका लावून गेला. ओंकार आचार्य यांच्या पश्चात पत्नी अरुणा, वडील सेवानिवृत्त शिक्षक राजेंद्र आचार्य, आई शैलेजा आचार्य, भाऊ अमोल राजेंद्र आचार्य असा परिवार आहे.
अवजड वाहनांची वाहतूक जीवघेणी
बारामती शहरातून होणारी अवजड वाहनांची वाहतूक जीवघेणी ठरत आहे. या पार्श्वभूमीवर आता तरी अवजड वाहनांची वाहतूक शहराबाहेरून वळविण्यासाठी प्रशासनाने उपाययोजना कराव्यात, अशी मागणी बारामतीकरांकडून करण्यात येत आहे.
34987
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.