बारामती, ता. ५ : येथील विद्या प्रतिष्ठान इन्स्टिट्यूट ऑफ इन्फॉर्मेशन टेक्नॉलॉजी (व्हीआयआयटी) येथे बुधवारी (ता. ३) कॅम्पस टू कॉर्पोरेट हे चर्चासत्र झाले. यात संस्थेतील १७४ विद्यार्थी सहभागी झाले होते.
विद्यार्थ्यांना रोजगाराभिमुख कौशल्य कॉर्पोरेट संस्कृती, कार्यस्थळावरील अपेक्षा, व्यावसायिकता याबाबत सविस्तर माहिती देण्यासाठी चर्चासत्राचे आयोजन करण्यात आले होते. याप्रसंगी शब्दधन फाउंडेशनचे मनोज वाबळे यांनी विद्यार्थ्यांशी संवाद साधत मानवी जीवनाचे महत्त्व, स्वमूल्याची जाणीव, सकारात्मक दृष्टिकोन याविषयी मार्गदर्शन केले. यावेळी संचालक आनंद देशमुख यांनी वाबळे यांचा सत्कार केला. अर्चना कदम व प्रवीण बागल यांनी चर्चासत्राचे समन्वय केले.