बारामती, ता. २० : जागतिक ध्यान दिनानिमित्त हार्टफुलनेस संस्थेतर्फे रविवारी (ता. २१) रात्री ८ वाजता कमलेश पटेल यांच्या मार्गदर्शनाखाली विशेष ऑनलाईन ध्यान सत्राचे आयोजन करण्यात आले आहे. या कार्यक्रमात शांती, करुणा आणि एकतेचा सार्वत्रिक संदेश देण्यासाठी जगभरातील लाखो साधक एकाच वेळी सहभागी होणार आहेत. यावेळी साधकांना हृदयकेंद्रित ध्यान पद्धतीद्वारे आत्मशांती, भावनिक समतोल आणि आंतरिक स्थैर्य प्राप्त करण्याचे मार्गदर्शन होणार आहे. कोणताही धार्मिक, जातीय किंवा वयोगटाचा भेद न करता हा कार्यक्रम सर्वांसाठी खुला व विनामूल्य आहे. पूर्वनोंदणी आवश्यक असून नोंदणीकृत सहभागीसाठी ऑनलाईन लिंक उपलब्ध करून देण्यात येणार आहे. ध्यानाचा कोणताही पूर्वानुभव नसलेल्यांनाही या कार्यक्रमात सहभागी होता येईल.