बारामती, ता. २९ : येथील लडकत स्कूल ऑफ फाउंडेशनमध्ये घेतल्या जाणाऱ्या विविध उपक्रमांची दखल घेत पुणे जिल्हा शिक्षण अधिकारी (माध्यमिक) डॉ. भाऊसाहेब कारेकर यांनी विद्यालयास नुकतीच भेट दिली.
या विद्यालयामध्ये घेतले जाणारे विविध उपक्रम, पहिली ते बारावीपर्यंत घेतल्या जाणाऱ्या फाउंडेशन कोर्सची विशेष तयारी करून घेऊन दर्जेदार शिक्षणाबाबत त्यांनी माहिती घेतली.
लडकत स्कूलमध्ये झालेल्या तालुकास्तरीय निबंध, कला व वक्तृत्व, गायन स्पर्धेचे त्यांनी कौतुक केले. विद्यालयात शिक्षकांसाठी दिल्या जाणाऱ्या प्रशिक्षण कार्यक्रमाची माहिती घेतली.
शिक्षण क्षेत्रातील नवीन आव्हाने, विद्यार्थ्यांच्या व्यक्तिमत्त्व विकासासाठी शिक्षकांचे योगदान याबाबत त्यांनी संवाद साधला. शैक्षणिक धोरणाविषयी त्यांनी शिक्षकांना मार्गदर्शन केले.
बारामतीचे गटशिक्षण अधिकारी नीलेश गवळी व मुख्याध्यापक संघाचे अध्यक्ष श्री जगताप, विज्ञान पर्यवेक्षक विराज खराटे उपस्थित होते.
संस्थेचे अध्यक्ष नामदेव लडकत, सचिव गणेश लडकत, खजिनदार दत्तात्रेय लडकत व संचालिका शुभांगी व प्रियांका लडकत, तानाजी गवळी व संतोष जाधव यांनी स्वागत केले.

मिलिंद संगई, बारामती.