बारामती, ता. ३ : विद्या प्रतिष्ठान कमलनयन बजाज इन्स्टिट्यूट ऑफ इंजिनिअरिंग अँड टेक्नॉलॉजी येथे द्वितीय वर्ष संगणक अभियांत्रिकी शाखेच्या विद्यार्थ्यांसाठी व्यक्तिमत्त्व विकास कार्यक्रमाअंतर्गत विशेष मुलाखत कौशल्य (Interview Skills) प्रशिक्षण सत्राचे आयोजन केले होते.
प्रा. ओम्मी पिरजादे व प्रा. व्यंकटेश रामपूरकर यांनी विद्यार्थ्यांना मार्गदर्शन केले. सॉफ्टवेअर उद्योगातील प्रत्यक्ष मुलाखतींमध्ये विचारले जाणारे महत्त्वाचे व निर्णायक प्रश्न आत्मविश्वासाने व व्यावसायिक पद्धतीने कसे हाताळावेत, याबाबत विद्यार्थ्यांना माहिती देण्यात आली.
सत्रा दरम्यान विद्यार्थ्यांच्या सर्वांगीण व्यक्तिमत्त्व विकासासाठी आवश्यक असलेल्या सॉफ्ट स्किल्सवर विशेष भर देण्यात आला. यामध्ये तोंडी व संवाद कौशल्य, श्रोत्यांशी प्रभावी संवाद, सार्वजनिक बोलणे व सादरीकरण कौशल्य, व्यावसायिक ई-मेल लेखन, आत्मविश्वास वृद्धी, वैयक्तिक सुसंस्कृतता व व्यावसायिक शिष्टाचार, तणाव व राग व्यवस्थापन, टीमवर्क, गटचर्चा तंत्र तसेच कॉर्पोरेट संस्कृतीची ओळख यांचा समावेश होता.
विद्यार्थ्यांना प्रत्यक्ष अनुभव मिळावा यासाठी मॉक इंटरव्ह्यू, मॉक ग्रुप डिस्कशन, रोल प्ले, सिम्युलेशन व विविध संवादात्मक उपक्रमांचे आयोजन करण्यात आले.
संगणक अभियांत्रिकी विभागाचे विभागप्रमुख डॉ. अरविंद जगताप, प्राचार्य डॉ. सुधीर लांडे यांनी मार्गदर्शन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.