बारामती, ता. १ : उपमुख्यमंत्री अजित पवार यांच्या अकाली निधनानंतर आता त्यांचे चिरंजीव पार्थ व जय पवार यांनी बारामतीतील विविध विकासकामांची पाहणी करण्यास प्रारंभ केला आहे. पार्थ पवार याच महिन्यात राज्यसभेच्या खासदारकीसाठी आपला उमेदवारी अर्ज दाखल करणार आहेत. या अगोदर त्यांनी रविवारी (ता. १) सकाळी सहा वाजताच विविध विकासकामांच्या पाहणी दौऱ्यास प्रारंभ केला होता. त्यांच्यासमवेत जय पवार, नगराध्यक्ष सचिन सातव हेही उपस्थित होते. शहरातील जिल्हा क्रीडा संकुल, रिंग रोडजवळ सुरू असलेले काम, रेशीम कोष खरेदी विक्री संघ, सेंट्रल पार्क व यशंवतराव चव्हाण मुक्त विद्यापीठाच्या इमारतीस भेट देत त्यांनी माहिती घेतली.