बारामती, ता. १६ : अनेकान्त इंग्लिश मीडियम स्कूलने सीबीएसई बोर्डाच्या दहावीच्या परीक्षेत यंदाही शंभर टक्के निकालाची परंपरा कायम राखली. एकूण ९४ विद्यार्थी उत्तीर्ण झाले आहेत. श्रेया नलवडे (९८.२० टक्के), श्रेया आव्हाड (९८ टक्के), अक्षदा बेलदार (९७.२० टक्के) यांनी अव्वल गुण मिळवले. इंग्रजी, संस्कृत, मराठी व माहिती तंत्रज्ञान या विषयांत अक्षदा बेलदार, श्रेया आव्हाड, सृष्टी भोसले, संस्कृती चांदेकर, अनुश्री कदम, श्रेया नलवडे, सोहम आटोळे, अक्षदा बेलदार, अनन्या गायकवाड, तनिष्का नाळे, किमया शहा, ओजल शहा, वेदान्त आटोळे या विद्यार्थ्यांनी १०० पैकी १०० गुण प्राप्त केले. या यशाबद्दल संस्थेचे अध्यक्ष जवाहर शहा, सचिव मिलिंद शहा, चंद्रवदन शहा, व्यवस्थापक धवल शहा यांनी विद्यार्थी व शिक्षकांचे अभिनंदन केले आहे.