बारामती, ता. १६ : तांदूळवाडी (ता. बारामती) येथील एलसी कंपनी लेक परिसरात प्रेमी युगलावर कोयत्याने हल्ला करून लूट करणाऱ्या आरोपीला बारामती तालुका पोलिसांनी अटक केली. अजय नंदकुमार सकट (रा. तांदूळवाडी असे आरोपीचे नाव असून त्याच्याकडून सुमारे ५० हजारांची सोनसाखळी जप्त करण्यात आली. जून २०२५ मध्ये घडलेल्या या घटनेत आरोपीने तरुणावर कोयत्याने वार करून रोकड, मोबाईल व युवतीच्या गळ्यातील सोन्याची साखळी लुटली होती. या प्रकरणी गुन्हा दाखल झाल्यानंतर पोलिसांनी गोपनीय माहितीच्या आधारे तपास करत बुधवारी (ता. १५) आरोपीला अटक केली. पुढील तपास बारामती पोलिस करीत आहेत.