चाकण, ता. ११ : चाकण -शिक्रापूर मार्गावर मोहितेवाडीच्या (ता. खेड) हद्दीत कंटेनरला मोटारीने पाठीमागून धडक दिली. यामुळे झालेल्या अपघातात मोटारचालक आदित्य मेमाणे (वय २७, रा. कुरुळी, ता. खेड) व त्याच्या शेजारी बसलेला अमोल व्यंकटराव लोमटे (वय ३२) या दोघांचा मृत्यू झाला. हा अपघात रविवारी (ता.) रात्री बाराच्या सुमारास झाला.
याप्रकरणी मृत मोटारचालकावर भरधाव वेगात वाहन चालविणे तसेच व दुसऱ्याच्या मृत्यूस कारणीभूत ठरल्याप्रकरणी गुन्हा दाखल केला आहे, अशी माहिती चाकण पोलिस ठाण्याचे वरिष्ठ पोलिस निरीक्षक वैभव शिंगारे, सहायक पोलिस निरीक्षक प्रकाश राठोड यांनी दिली.