चाकण, ता. २९ : करंजविहिरे (ता. खेड) येथे स्टोन क्रशर प्लांटवर कॉम्प्रेसर ट्रॅक्टरने फुटिंग होल घेताना व जिलेटिन दारू गोळ्याच्या कांड्या जवळ असल्यामुळे कॉम्प्रेसरचा व जिलेटिन कांड्याचा स्फोट झाल्याने राजेश कुशवाह याचा मृत्यू झाला. तर इतर दोघे रमेश कोल, आलोक कोल, (मूळ रा. जामून तोला, जि. सतना मध्यप्रदेश) हे दोघे गंभीर जखमी झाले. याप्रकरणी स्वप्नील बाबाजी कोळेकर, नीलेश सदाशिव कोळेकर, बाबाजी रामदास कोळेकर, (सर्व रा. करंजविहिरे) रवींद्र अरुण तोत्रे, (रा. वडगाव पाटोळे, ता. खेड) यांच्यावर विस्फोटक अधिनियमानुसार तसेच इतर कलमानुसार गुन्हा दाखल केला आहे. अशी माहिती महाळुंगे पोलिस ठाण्याचे वरिष्ठ पोलिस निरीक्षक नितीन गिते यांनी दिली.