चाकण, ता. ४ : मेदनकरवाडी (ता. खेड) येथील गवतेवस्तीवरील एका दुकानाजवळ एकाने गावठी बनावटीचे पिस्तूल व दोन जिवंत काडतुसे बाळगल्याप्रकरणी आरोपी विशाल जोरी (वय २३, सध्या रा. मेदनकरवाडी,गवते वस्ती आळंदी रोड, मूळ रा.मोहा, ता. कळंब जि. धाराशिव) याच्यावर बेकायदा शस्त्र बाळगल्याप्रकरणी गुन्हा दाखल केला आहे. आरोपीला ताब्यात घेतले आहे, अशी माहिती चाकण पोलिस ठाण्याचे वरिष्ठ पोलिस निरीक्षक प्रमोद वाघ यांनी दिली.
सोमवारी (ता.३) पोलिस उपनिरीक्षक तलवाडे व तपास पथकातील पोलिस अंमलदार यांना मिळालेल्या माहितीच्या आधारे आरोपी विशाल जोरी याने एका दुकानाजवळ उभा असताना स्वतःजवळ बेकायदा शस्त्र बाळगले होते. त्यावेळी पोलिसांनी त्याला ताब्यात घेतले. त्याच्याजवळ एक गावठी बनावटीचे पिस्तूल व दोन जिवंत काडतुसे आढळली. आरोपी जोरी याला ताब्यात घेतले आहे.