चाकण, ता. ६ : खेड कृषी उत्पन्न बाजार समितीच्या चाकण येथील महात्मा फुले मार्केट यार्डाच्या प्रवेशद्वारावर ठेवण्यात येणाऱ्या महात्मा जोतिराव फुले व क्रांतिज्योती सावित्रीबाई फुले यांच्या पूर्णाकृती शिल्पाचे चाकण येथे शनिवारी (ता. ८) स्वागत करण्यात येणार आहे. याच दिवशी पुतळ्याच्या स्वागतासाठी चाकण शहरातून माणिक चौक ते मार्केट यार्डच्या प्रवेशद्वारापर्यंत मिरवणूक काढणार आहे.
या सोहळ्यात सहभागी होण्याचे आवाहन ट्रस्टचे कार्याध्यक्ष तुकाराम कांडगे, अध्यक्ष विनायक घुमटकर, सचिव अनिकेत केदारी, खजिनदार रामशेठ गोरे यांनी केले.