चाकण, ता. ६ : खेड तालुक्यातील दुर्गाई हृदय प्रतिष्ठानच्या अध्यक्षपदी दत्तात्रेय रामचंद्र भेगडे यांची निवड केली. अध्यक्ष शामराव पवार आणि संस्थेचे कार्याध्यक्ष संजय शिंदे, संस्थेचे सर्व विश्वस्त मंडळाच्या सभेत झालेल्या बैठकीत भेगडे यांची निवड केली.

दुर्गाई प्रतिष्ठान गेली सतरा वर्षे सातत्याने बारा वर्षांपर्यंतच्या गरजू हृदय रुग्णांना मदत करत आहे. आत्तापर्यंत अकरा मुलांच्या मोफत हृदय शस्त्रक्रिया व ३०० मुलांच्या हृदय शस्त्रक्रियेसाठी आर्थिक मदत केली आहे. संस्थेच्या स्थापनेपासून दरवर्षी आरोग्य शिबिरे घेत आहे. या बैठकीला सचिव राजेंद्र शिंदे, सीमा शिंदे, मीना शिंदे, नाझीम सिकीलकर, प्रशांत गोलांडे, अंकुश डोंगरे, महेश सोनावणे उपस्थित होते.