चाकण, ता. ९ : `चाकण ते काळुस रस्त्याचे काम अडकले वादात’, असे वृत्त ‘सकाळ’मध्ये प्रसिद्ध करण्यात आले. या वृत्ताची दखल घेऊन सार्वजनिक बांधकाम विभागाच्या वतीने ते काम पूर्ण करण्यात आले.

येथील चाकण- राक्षेवाडी-काळुस या रस्त्याचे काम गेल्या दोन महिन्यांपासून काही लोकांत वाद निर्माण झाला. हा वाद पोलिस ठाण्यापर्यंत गेला. त्यामुळे चाकण-राक्षेवाडी-काळुस या मार्गाचे काम लवकर व्हावे, अशी मागणी नागरिक, विद्यार्थ्यांमधून करण्यात आली. यासंदर्भात ‘सकाळ’ने बातमी देऊन पाठपुरावा केल्याबद्दल नागरिकांनी, विद्यार्थ्यांनी तसेच कामगार, व्यावसायिकांनी समाधान व्यक्त केले.
चाकण -राक्षेवाडी -काळुस हा मार्ग अतिशय महत्त्वाचा आहे. हा मार्ग मोठ्या वर्दळीचा आहे. या मार्गावर चाकण महाविद्यालय, इतर शाळा, विद्यालय व इतर वस्ती मोठी आहे. या मार्गावरून शेती मालाची मोठ्या प्रमाणात वाहतूक चाकण बाजारात होते. गेल्या दोन महिन्यांपासून काही वादामुळे मार्गाचे दीडशे फुटाचे काही काम रेंगाळले होते. सार्वजनिक बांधकाम विभागाच्यावतीने काही मार्गाचे काम केले होते. परंतु फक्त दीडशे फूट मार्गाचे काम रेंगाळलेले होते. हे काम तिथे काहीजणांच्या जागेची मालकी सांगण्यात येत होती. तसेच नऊ मीटर रुंदी ऐवजी सात मीटर रुंदी करावी, हा ही प्रश्न होता. त्यामुळे हे काम रेंगाळले होते. काही लोकांतील वादामुळे हे प्रकरण अगदी पोलिस ठाण्यापर्यंत गेलेले होते.
सार्वजनिक बांधकाम विभागाचे शाखा अभियंता संतोष पवार यांनी सांगितले की, हे काम काही वादामुळे रखडले होते, ते पूर्ण करण्यात आले आहे.