चाकण, ता. १०: येथील एसटी बस स्थानकाची पाहणी एसटी महामंडळाच्या सर्वेक्षण पथकाने केली. यावेळी बसस्थानकास विविध समस्यांचा विळखा असल्याचे निदर्शनास आले. यामध्ये सोयी, सुविधांचा अभावासह चाकण एसटी बसस्थानकात मोठ्या प्रमाणात कचरा दिसून आला. त्यामुळे हे बसस्थानक दुर्गंधीचे हे आगार बनल्याची प्रतिक्रिया पथकाने व्यक्त केली.
बाळासाहेब ठाकरे स्वच्छ सुंदर बस स्थानक अभियान अंतर्गत अहिल्यानगरच्या एसटी महामंडळाच्या पथकाने चाकण येथील चाकण (ता. खेड) येथील एसटी बस स्थानकाचे पाहणी केली. यावेळी त्यांनी पत्रकार, प्रवासी तसेच आगारातील प्रशासनाशी चर्चा केली. त्यानंतर मूल्यांकन तक्ताही त्यांच्याकडून भरून घेतला. यावेळी पथकातील अधिकारी अविनाश साखरे, नितीन गटने यांनी वाहतूक नियंत्रक वर्षा बनकर व प्रवाशी, पत्रकार यांच्याशी चर्चा केली. पत्रकार, प्रवाश्‍यांकडून बसस्थानकात असलेल्या सुविधा, समस्या बाबत मूल्यांकन तक्ता भरून घेतला.
चाकण औद्योगिक वसाहतीमुळे चाकण बस स्थानकात मोठ्या प्रमाणात प्रवाशांची ये, जा असते. त्यामुळे चाकण बस स्थानक महत्त्वाचे आहे. या बस स्थानकात सोयी सुविधांचा मोठा अभाव आहे. स्वच्छता नाही कचरा मोठ्या प्रमाणात साचलेला आहे त्यामुळे दुर्गंधी आहे. राजगुरूनगर आगार प्रमुख अधिकाऱ्यांचे याकडे अजिबात लक्ष नाही. या बसस्थानकाच्या इमारतीचे बारा वर्षांपासून उद्‌घाटन झाले नाही, अशी भयानक अवस्था आहे. याबाबत काही सुधारणा केल्या पाहिजेत असे, वाहतूक नियंत्रक व इतरांना पथकातील अधिकाऱ्यांनी सांगितले.
सुविधांच्या अभावाचा प्रवाशांकडून आरोप
चाकण बसस्थानकाचे काम ‘बीओटी’ तत्त्वावर बारा वर्षांपूर्वी करण्यात आलेले आहे. परंतु बीओटी तत्त्वावर करण्यात आलेले एसटी बस स्थानकाचे काम चुकीच्या पद्धतीने झाले आहे. काहीच सुविधा नाहीत असा आरोप नागरिक, प्रवाशांचा आहे. बस स्थानकाच्या इमारतीत शॉपिंग सेंटर आहेत.
बस स्थानकातील समस्या
१. स्वच्छतागृह, शौचालय येथे मोठ्या प्रमाणात दुर्गंधी
२. स्वच्छतागृह कधीही बंद असतात त्यामुळे प्रवाशांना मनस्ताप
३. बसस्थानकात प्रवासी जेथे बसतात ते बाकडे तुटलेले आहेत.
४. उन्हाळ्यात विद्युत पंखेही बंद अवस्थेत
५. बंद अवस्थेतील सीसीटीव्ही
बसस्थानकात मद्यपींचा अड्डा
बसस्थानकात मोठ्या प्रमाणात मद्यपींचा अड्डा असतो. येथे जुगार मटका ही काही लोक खेळतात. रात्रीच्या वेळी चुकीचे गैरप्रकार होतात येथील सीसीटीव्ही बंद आहेत. ते सुरू करावेत मागणी, असे पत्रकार व प्रवाशांनी पथकातील अधिकाऱ्यांकडे केली.
08451
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.