चाकण, ता. १८ : येथील महात्मा फुले बाजारात मध्यप्रदेशातून हिरव्या वाटाण्याची अल्पप्रमाणात आवक होत आहे. अगदी पाच टन एवढी आवक झाली. हिरव्या वाटाण्याला घाऊक बाजारात प्रति किलोला नव्वद ते एकशे दहा रुपये भाव मिळाला. टोमॅटोची तीस टन आवक झाली. दिल्लीतून सुमारे पन्नास टन हिरव्या मिरचीची आवक झाली. मिरचीला प्रति किलोला तीस ते चाळीस रुपये भाव मिळाला. शेपूचा भाव घसरल्याने ढीग पडून होते.
कांद्याची आवक रविवारी (ता. १८) सुमारे तीन हजार क्विंटल झाली. कांद्याला प्रति किलोला किमान आठ रुपये तर कमाल तेरा रुपये भाव मिळाला. कांद्याचे भाव घसरले आहेत. टोमॅटोला प्रति किलोला भाव बारा ते अठरा रुपये मिळाला. शेपूच्या सुमारे दहा हजार जुड्यांची आवक आज झाली. शेपूचे भाव मात्र फारच घसरले आहेत. शेपूच्या एका जुडीला पाच रुपये भाव मिळाला. मातीमोल भाव झाल्याने शेपूचे ढीग तसेच बाजारात पडून होते. त्यामुळे शेतकऱ्यांचे आर्थिक नुकसान झाले.
चाकण (ता. खेड) येथील महात्मा फुले बाजारात हिरव्या वाटाण्याला मागणी वाढते आहे. परंतु आवक फारच घटलेली आहे. हिरव्या वाटाण्याला घाऊक बाजारात प्रति किलोला नव्वद ते एकशे दहा रुपये भाव मिळाला. बुलडाणा, नंदुरबार जिल्ह्यातून हिरवट पिवळ्या देशी मिरचीची सुमारे पन्नास टन आवक झाली. दिल्लीतून आलेल्या हिरव्या मिरचीला घाऊक बाजारात प्रति किलोला तीस ते चाळीस रुपये भाव मिळाला. देशी पिवळ्या मिरचीला प्रति किलोला तीस ते पस्तीस रुपये भाव मिळाला. अशी माहिती खेड कृषी उत्पन्न बाजार समितीचे सभापती विजय शिंदे, उपसभापती क्रांती सोमवंशी, सचिव बाळासाहेब धंद्रे यांनी दिली.
लसणाची आवक बारा क्विंटल झाली. घाऊक बाजारात लसूण सत्तर ते शंभर रुपये प्रति किलोने विकला जात आहे. बटाट्याची आवक दीड हजार क्विंटल झाली. बटाट्याला प्रति किलोला चौदा ते बावीस रुपये भाव मिळाला. बाजारात इंदोर, आग्रा येथून बटाट्याची आवक होत आहे. किरकोळ बाजारात बटाटा प्रति किलोला तीस रुपये भावाने विकला जात आहे.
फळभाज्यांचे एका किलोचे भाव :
हिरवी मिरची - 30 ते 40 रुपये, हिरवा वाटाणा - 90 ते 110 रुपये, भेंडी - 35 ते 45 रु., टोमॅटो - 12 ते 18 रुपये, गवार - 40ते 50 रुपये, फ्लॉवर 15 ते 25 रुपये, कोबी 6 ते 10 रुपये, दुधी भोपळा 15 ते 25, राजमा वाल - 100 रुपये, चवळी - 30 ते 40 रुपये, शेवगा - 35 ते 45 रुपये, ढोबळी मिरची - 40 ते 50, आद्रक - 20 ते 30 रुपये, तोंडले - 30 रुपये, दोडका - 40 ते 60, वांगी - 15 ते 25, काकडी - 10 ते 20, गाजर 10 ते 20, कारली 35 ते 45 रुपये.
शेपूचा भाव घसरला
बाजारात कोथिंबीर, मेथी, शेपूच्या सुमारे एक लाखावर जुड्यांची आवक झाली. मेथीची एक जुडी १० ते १५ रुपयांना विकली गेली. कोथिंबिरीची एक जुडी १४ ते २० रुपयाला विकली गेली. शेपूच्या एका जुडीला फक्त पाच रुपयांचा भाव मिळाला. पालकाच्या अडीच हजार जुड्यांची आवक झाली. एक जुडी आठ ते १२ रुपयांना विकली गेली.
मध्यप्रदेशातून सध्या हिरवा वाटाणा विक्रीसाठी येत आहे. राज्यात हिरव्या वाटाण्याचे सध्या उत्पादन नाही. त्यामुळे हिरव्या वाटाण्याला बाजारात प्रति किलोला १६० रुपये भाव मिळत आहे. हे भाव कडाडले आहेत. वाटण्याचे भाव अजून वाढतील अशी शक्यता आहे.
मच्छिंद्र रामाने, विक्रेते
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.