चाकण, ता. १ : येथील (ता. खेड) महात्मा फुले बाजारात सातारा, अहिल्यानगर जिल्ह्यातून तसेच कर्नाटक राज्यातून रविवारी (ता. १) टोमॅटोची तीस टन आवक झाली. त्यास घाऊक बाजारात प्रतिकिलोला १० ते १८ रुपये बाजारभाव मिळाला. पावसामुळे शेती बागायती पिकांचे नुकसान झाल्याने पालेभाज्यांचे बाजारभाव वाढले आहेत तर फळभाज्यांच्या भावात प्रतिकिलोला दहा ते वीस रुपयांनी वाढ झाली आहे.

बाजारात कांद्याची आवक सुमारे अडीच हजार क्विंटल झाली. त्यास प्रतिकिलोस किमान आठ तर कमाल चौदा रुपये बाजारभाव मिळाला. दिल्लीतून सुमारे पन्नास टन हिरव्या मिरचीची आवक झाली. तिला प्रतिकिलोला वीस ते तीस रुपये बाजारभाव मिळाला. हिरव्या वाटाण्याला घाऊक बाजारात प्रतिकिलोला नव्वद ते शंभर रुपये बाजारभाव मिळाला. बुलडाणा, नंदुरबार जिल्ह्यातून हिरवट पिवळ्या देशी मिरचीची सुमारे पन्नास टन आवक झाली. दिल्लीतून आलेल्या हिरव्या मिरचीला घाऊक बाजारात प्रतिकिलोला वीस ते तीस रुपये बाजारभाव मिळाला. देशी पिवळ्या मिरचीला प्रतिकिलोला तीस रुपये बाजारभाव मिळाला, अशी माहिती खेड कृषी उत्पन्न बाजार समितीचे सभापती विजय शिंदे, उपसभापती क्रांती सोमवंशी,सचिव बाळासाहेब धंद्रे यांनी दिली.
लसणाची आवक पंचेचाळीस क्विंटल झाली. बाजारात इंदोर, आग्रा येथून बटाट्याची आवक होत आहे. किरकोळ बाजारात बटाटा प्रतिकिलोला तीस रुपये बाजारभावाने विकला जात आहे.

फळभाज्यांचे प्रतिकिलोचे बाजारभाव (रुपयांत)
हिरवी मिरची-२० ते ३०, हिरवा वाटाणा-९० ते १००, भेंडी-४० ते ६०, टोमॅटो-१० ते १८, गवार-६० ते ८०, फ्लॉवर ३० ते ४०, कोबी १०, दुधी भोपळा १० ते २०, ढोबळी मिरची-५० ते ७०, आद्रक-३० ते ३५, तोंडले-३०, दोडका-४० ते ६०, वांगी-३० ते ४०, काकडी-३० ते २५, कारली ३० ते ४०.

कोथिंबीर, मेथी, शेपूच्या एक लाख जुड्या
चाकण बाजारात कोथिंबीर, मेथी, शेपूच्या सुमारे एक लाखावर जुड्यांची आवक झाली. मेथीची एक जुडी १२ ते १५ रुपयांना विकली गेली. कोथिंबिरीची एक जुडी पंधरा, शेपूची १४ रुपयांना विकली गेली. पालकच्या दोन हजार जुड्यांची आवक झाली. एक जुडी सुमारे अठरा रुपयांना विकली गेली.

08582