चाकण, ता. ४ : रोटरी क्लब ऑफ चाकणच्या अध्यक्षपदी सुवर्णा गोरे, तर सचिवपदी डॉ. प्रज्ञा भवारी यांची निवड केली आहे. नूतन संचालक मंडळाने नुकताच कार्यभार स्वीकारला.
चाकण (ता. खेड) येथे झालेल्या कार्यक्रमात रोटरीचे प्रांतपाल संतोष मराठे, माजी आमदार दिलीप मोहिते, उपवनसंरक्षक प्रशांत खाडे, रोटरीचे उपप्रांतपाल विनसेन्ट सालेर आदी उपस्थित होते. या वेळी प्रांतपाल यांनी नूतन अध्यक्ष गोरे व सचिव भवारी यांचा सत्कार केला.
याप्रसंगी गरजू व आर्थिक दुर्बल महिलांना शिलाई मशिनचे वाटप करण्यात आले. नवीन सदस्यांचा सत्कार केला. मागील अध्यक्ष डॉ. अमोल बेनके यांनी केलेल्या कार्याचा आढावा सांगितला. या वेळी सचिव चंद्रकांत हिवरकर व इतर उपस्थित होते. माजी आमदार दिलीप मोहिते यांनी रोटरी क्लबचे माजी अध्यक्ष डॉ. बेनके यांनी व सदस्यांनी केलेल्या कामाचे कौतुक केले. रोटरीचे प्रांतपाल मराठे यांनी चाकण रोटरी क्लबच्या वतीने केलेल्या कामांबाबत समाधान व्यक्त केले.
बेस्ट रोटरियन म्हणून मोहन परदेशी, भगवान घोडेकर यांचा सत्कार केला. भगवान घोडेकर, विनय भुजबळ यांनी सूत्रसंचालन केले. श्यामराव देशमुख यांनी आभार मानले.
या वेळी सुरेखा मोहिते, ध्रुव कानपिळे, तुकाराम कांडगे, संदीप बागडे, डॉ. पल्लवी बेनके, रोहिणी देशमुख, सुधीर काकडे, ज्ञानेश्वर सातव, अतुल वाव्हळ, सुहास गोरे, सुभाष शिंदे, डॉ. देवराज पाटील, डॉ. महाजन, डॉ. विजय भवारी, नितीन पाटील, चंद्रकांत गोरे, महेश कांडगे, संभाजी सोनवणे आदी उपस्थित होते. अध्यक्ष सुवर्णा गोरे यांनी या वर्षी करण्यात येणाऱ्या विविध उपक्रमांची माहिती दिली.