चाकण, ता. २२ : साई सोशल फाउंडेशन, विंडल्स प्रिसीजन कंपनी, चाकण यांनी स्वातंत्र्य दिनाचे औचित्य साधून जिल्हा परिषद प्राथमिक शाळा, झित्राईमळा येथे विविध सामाजिक उपक्रमांचे आयोजन केले. शाळेच्या परिसरात हरित विकासासाठी वृक्षारोपण, ३७० गुणवंत विद्यार्थ्यांचा शालोपयोगी वस्तू देऊन गौरव, चित्रकला, गीतगायन, नाटिका, भाषण स्पर्धा यांचे बक्षीस वितरण आदी उपक्रम यावेळी झाले. या उपक्रमांमध्ये विंडल्स कंपनीचे मुख्य कार्यकारी अधिकारी नितीन अगरवाल, मयुरी धावले, एकनाथ पाटील, राजू आदमाने, संजित साहू व कर्मचारी, साई संस्थेचे प्रतिनिधी आनंद पाटील, ऋषिकेश भोसले, शुभम गाढवे यांनी सहभाग घेतला. व्यवस्थापन समितीने यावेळी शाळा सुधारसाठी चार हजार रुपयांची देणगी दिली. तसेच, एप्टीव्ह इंडिया प्रायव्हेट लिमिटेड कंपनीतर्फे पाच वर्गखोल्या बांधून देण्यात येणार असल्याचे माजी उपनगराध्यक्ष राजेंद्र गोरे यांनी सांगितले. यावेळी महाराष्ट्र राज्य प्रदूषण नियंत्रण मंडळाचे सदस्य नितीन गोरे, मंगल गोरे, माजी उपनगराध्यक्ष राजेंद्रशेठ गोरे, रामशेठ गोरे, नथुशेठ गोरे, निलेश गोरे, विशाल नायकवाडी, चाकण नागरी सहकारी पतसंस्थेचे संचालक गिरीश गोरे, मुख्याध्यापिका मीना शिंदे, व्यवस्थापन समिती अध्यक्षा निलम गव्हाणे यांसह शिक्षक, पालक उपस्थित होते.