चाकण, ता.२१: येथील चाकणचा दावडमळा (ता. खेड) येथे रस्त्यावरील पादचारी व त्यांच्याबरोबर असलेला त्यांचा दीड वर्षाचा नातू या दोघांना एका वाहनाने जोराची धडक दिली. त्यामुळे अपघात झाल्याने या अपघातात आजोबा व त्यांचा नातू या दोघांचा गंभीर जखमी झाल्याने मृत्यू झाला.
आजोबा मुरलीधर लखीराज लाड (वय ५२, रा. चाकण, ता. खेड, जि. पुणे) व त्यांचा दीड वर्षाचा नातू अद्वैत रवींद्र शिवलेकर या दोघांचा मृत्यू झाला. आजोबा मुरलीधर लाड हे त्यांच्या नातवाला घेऊन सौंदर्य सोसायटीच्या कमानी समोरील रस्त्याने चालले होते. त्यावेळी हा अपघात झाला.वाहनचालक आरोपीवर दोघांच्या मृत्यूस कारणीभूत झाल्याने व बेदरकारपणे भरधाव वाहन चालवले याप्रकरणी विविध कलमानुसार गुन्हा दाखल केला आहे, अशी माहिती चाकण पोलिस ठाण्याचे वरिष्ठ पोलिस निरीक्षक संजय सोळंके यांनी दिली.