चाकण, ता. १५ : येथील माणिक चौकातील रस्त्यावरच्या अतिक्रमणामुळे वाहतूक कोंडी होते. त्यामुळे येथील अतिक्रमणे काढावीत, अशी नागरिकांची, कामगारांची, सर्वसामान्यांची मागणी होती. याबाबत ‘सकाळ’ने सोमवारी (ता. १५) वृत्त प्रसिद्ध केले होते. त्याची तातडीने दखल घेत चाकण (ता. खेड) नगरपरिषदेने मंगळवारी माणिक चौकात हातगाडीवाले, पथारीवाले यांच्यावर कारवाई केली.
याबाबत चाकण नगरपरिषदेचे मुख्याधिकारी डॉ. अंकुश जाधव यांनी सांगितले की, चाकण- शिक्रापूर मार्गावरील चाकण नगरपरिषदेच्या हद्दीतील अतिक्रमणे काढण्यात येत आहेत. मात्र, अतिक्रमण पथक तेथून निघून गेल्यानंतर काही लोक पुन्हा येतात आणि परत त्या ठिकाणी बसतात. ही अतिक्रमणे कायम हटविण्यात येतील. नाणेकरवाडी ग्रामपंचायत हद्दीतील जुन्या पुणे- नाशिक महामार्गावरील अतिक्रमणे ग्रामपंचायतीने काढली पाहिजेत.
दरम्यान, अतिक्रमण पथक गेल्यानंतर पुन्हा त्याच जागी अतिक्रमणवाले येतात आणि अतिक्रमणे करतात. त्यामुळे अतिक्रमणधारकांची दादागिरी जोरात आहे.