चाकण, ता. ५ : जिल्हा परिषद पंचायत समिती निवडणुकीसाठी शनिवारी (ता.७) मतदान होणार आहे. त्यामुळे जिल्हाधिकारी यांच्या आदेशान्वये खेड कृषी उत्पन्न बाजार समितीचा चाकण (ता. खेड) येथील कांदा बटाटा बाजार तसेच तरकारी माल, भाजीपाला आठवडे बाजार बंद राहणार आहे. जनावरांचा बाजारही बंद राहणार आहे. त्यामुळे शेतकऱ्यांनी कांदा बटाटा तसेच तरकारी माल, भाजीपाला विक्रीसाठी आणू नये तसेच जनावरे, गाय, बैल, म्हैस, शेळ्या, मेंढ्या विक्रीसाठी आणू नये, असे आवाहन खेड बाजार समितीच्या वतीने केले आहे, अशी माहिती खेड कृषी उत्पन्न बाजार समितीचे सचिव बाळासाहेब धंद्रे यांनी दिली.