चास, ता. १ : चास (ता. खेड) येथे महात्मा फुले कृषी विद्यापीठ राहुरी अंतर्गत आकुर्डी येथील डॉ. डी. वाय.पाटील कृषी व्यवसाय व्यवस्थापन महाविद्यालयातील कृषिदुतांचे आगमन झाले आहे. यावेळी ग्रामस्थांनी त्यांचे स्वागत केले. ग्रामीण कृषी कार्यानुभव या कार्यक्रमांतर्गत कृषिदूत परिसरातील शेतकऱ्यांना मार्गदर्शन करणार आहेत.
या कार्यक्रमात कृषिदूत आदित्य चंदरणे, अनिकेत हाजगुडे, श्रेयस चौधरी, ऋत्विक मोहूरळे, सोमेश चौरे, पांडुरंग भोसले हे सहा कृषिदूत ग्रामीण कृषी कार्यानुभवासाठी दाखल झाले आहेत. त्यांचे स्वागत चासचे सरपंच विनायक मुळूक, उपसरपंच पुनम रासकर, सदस्य जावेद इनामदार, संदीप ढमढेरे, राजेंद्र घाटकर, आशा टोके, सविता राहाणे, सुनील वाळुंज, स्वाती गायकवाड, सविता टोके, ग्रामसेविका पी. व्ही. डोके, रामभाऊ नाईकरे, अतुल रोडे तसेच ग्रामस्थांनी केले. या उपक्रमासाठी प्राचार्य डॉ. एम. डी. जगताप, प्राध्यापक डॉ. एस. एन. पाटील, प्राध्यापक दिग्विजय पवार यांचे मार्गदर्शन या विद्यार्थ्यांना लाभते आहे.